View of ffridd habitat in the landscape © MWT/Tammy Stretton
Yng Ngwlad y Pethau Gwyllt
Roedd y prosiect hwn a gwblhawyd ac a gynhaliwyd rhwng Tachwedd 2017 a Mawrth 2020, yn cynrychioli newid arloesol mewn ymagwedd at reoli a chysylltu â'r cyhoedd â rhai o fannau bywyd gwyllt Powys sy’n cael eu tanwerthfawrogi fwyaf ; Safleoedd Bywyd Gwyllt Lleol.
O goetiroedd hynafol cyfriniol i fynwentydd tawel ac ymylon ffyrdd prysur sy'n llawn blodau; ac o wrychoedd sy'n ffinio â chaeau i goedlannau bach, mae'r DU yn mwynhau lleoedd gwyllt arbennig, disylw yn aml, lle mae natur yn ffynnu. P'un a ydynt yn nyfnderoedd cefn gwlad neu'n swatio mewn trefi a dinasoedd prysur, Safleoedd Bywyd Gwyllt Lleol yw'r lleoedd pwysicaf ar gyfer natur, y tu allan i ardaloedd gwarchodedig fel Safleoedd o Ddiddordeb Gwyddonol Arbennig.
Mae Safleoedd Bywyd Gwyllt Lleol Powys yn ardaloedd gwirioneddol eithriadol o dir, sy'n hanfodol i fywyd gwyllt a phobl. Fodd bynnag, er eu bod yn rhan o'r system gynllunio, mae'r safleoedd hyn a'r gwasanaethau y maent yn eu darparu i'r gymuned leol (e.e. mynediad, twristiaeth, iechyd a lles) dan fygythiad fel erioed o'r blaen.
Nod y prosiect hwn oedd mynd i'r afael â'r bygythiad hwn drwy roi rheswm i bobl Powys adael eu hystafelloedd byw a chamu i fyd hollol newydd "Yng Ngwlad y Pethau Gwyllt..." yn aml rownd y gornel neu i lawr y stryd.
Gan weithio ar draws Powys, nod Ymddiriedolaeth Natur Sir Drefaldwyn, Ymddiriedolaeth Natur Sir Faesyfed ac Ymddiriedolaeth Natur De a Gorllewin Cymru oedd:
- Ailwampio'r system bresennol lle mae Safleoedd Bywyd Gwyllt Lleol Powys yn cael eu hasesu a'u dewis er mwyn sicrhau bod y broses hon yn hawdd ei hymarfer ac wedi'i hymgorffori'n llawn yn y system gynllunio i'r dyfodolAdeiladu etifeddiaeth o berchnogaeth gymunedol gefnogol ac ymgysylltu â Safle Bywyd Gwyllt Lleol drwy ddarparu cyfleoedd gwirfoddoli i bobl a fydd yn gwella eu hardal leol er budd pobl a bywyd gwyllt
- Datblygu a gweithredu arolwg Safleoedd Bywyd Gwyllt Lleol a methodolegau rheoli tir cynaliadwy sy'n addas ar gyfer tirfeddianwyr, ffermwyr a gwirfoddolwyr
- Cefnogi gwell mynediad i Safleoedd Bywyd Gwyllt Lleol presennol ac yn y dyfodol i sicrhau'r cynnydd mwyaf posibl i iechyd a lles i bobl leol
- 'Gwerthfawrogi' y rôl y mae rhwydwaith Safleoedd Bywyd Gwyllt Lleol yn ei chwarae yn iechyd a lles ein cymunedau cymdeithasol ac ecolegol
I gael rhagor o wybodaeth am Safleoedd Bywyd Gwyllt Lleol, cliciwch yma.
Cronfa Amaethyddol Eqrop ar gyfer Datblygu Gwledif; Ewrop yn Buddsoddi mewn Ardaloedd Gwledig
The European Agricultural Fund for Rural Development: Europe investing in Rural Areas
Beth a gyflawnwyd
Local Wildlife Sites survey on a bog © MWT/Tammy Stretton
Cyfrannodd 69 o wirfoddolwyr unigol dros 1,000 awr o’u hamser, gyda gwerth o bron i £15,000
Upland lake in August sunshine © MWT/Tammy Stretton
Cwblhawyd meini prawf newydd ar gyfer dewis Safleoedd Bywyd Gwyllt Lleol ym Mhowys
Volunteers survey the invertebrates on a Local Wildlife Site in Montgomeryshire © MWT/Tammy Stretton
Upland lake in August sunshine © MWT/Tammy Stretton
Surveying a veteran tree in a churchyard © MWT/Tammy Stretton
Local Wildlife Site surveyor in grassland site by Lake Vyrnwy © MWT/Tammy Stretton
Open woodland with carpets of Wild Daffodils © MWT/Tammy Stretton
Botanical surveying of a Local Wildlife Site on the riverbank © MWT/Tammy Stretton
Local Wildlife Sites survey on a bog © MWT/Tammy Stretton
Wooded hill Local Wildlife Site © MWT/Tammy Stretton
Ffridd Local Wildlife Site near Welshpool © MWT/Tammy Stretton
Wildlife surveyor in woodland © Ben Porter
Spring woodland Local Wildlife Site survey © MWT
Veteran tree Crab Apple © Ben Porter
Bluebell woodland in spring, May 2019, © MWT/Tamasine Stretton
Am ragor o fanylion, gweler adroddiad terfynol y prosiect isod
Beth nesaf i Safleoedd Bywyd Gwyllt Lleol Powys
Mae prosiect 'Yng Ngwlad y Pethau Gwyllt' bellach wedi dod i ben, ond nid dyma ddiwedd y daith i Safleoedd Bywyd Gwyllt Lleol Powys! Creodd y prosiect hwn momentwm newydd cryf ynghylch y safleoedd hyn. Gyda meini prawf dewis newydd yn eu lle, mae Partneriaeth Safleoedd Bywyd Gwyllt Lleol Powys yn awyddus i adnabod rhagor o safleoedd, gan ddarparu darlun llawer cliriach o ansawdd cefn gwlad Powys. Rydym hefyd yn awyddus i weithio gyda llawer mwy o bobl, er mwyn helpu ein gilydd i greu rhwydwaith ecolegol gwydn ar draws y rhan hyfryd hon o Ganolbarth Cymru, gan wrthdroi’r dirywiad mewn natur a welwyd yn y gorffennol o’r diwedd, a gwella llesiant pawb.
Surveying a veteran tree in a churchyard © MWT/Tammy Stretton
Os ydych chi'n rheoli tir ar gyfer bywyd gwyllt ac eisiau cwrdd â phobl o'r un anian
...ymunwch â'n clwb!
Ydych chi'n caru bywyd gwyllt? Eisiau dysgu mwy am helpu bywyd gwyllt ar y tir? Dewch i gwrdd â phobl o'r un anian drwy ymuno â Grŵp Rheoli Cynefinoedd Sir Drefaldwyn (y Grŵp).
Mae'r Grŵp yn darparu fforwm i unrhyw un sydd â diddordeb mewn rheoli tir er budd bywyd gwyllt, ac mae o werth arbennig i dirfeddianwyr sy'n chwilio am gefnogaeth ac ysbrydoliaeth i gynhyrchu a chynnal cynefinoedd ar eu tir. Nod y grŵp yw rhannu gwybodaeth, profiad, sgiliau, syniadau ac adnoddau i wella bioamrywiaeth ar draws Sir Drefaldwyn. Mae hyn yn nod a rennir gan Ymddiriedolaeth Natur Maldwyn sy'n parhau i gefnogi'r Partner Cysylltiedig hwn yn eu hymdrechion.
Am ragor o wybodaeth neu i ymuno â'r grŵp, ewch i: www.mont-hmg.co.uk
