Ynglŷn â'r digwyddiad

Pa un a ydych yn fadarchwr pybyr (sef rhywun sy’n ymddiddori’n fawr mewn madarch) neu’n chwilfrydig ynglŷn â’r ffyngau a ddaw i’r fei dan draed, bydd y digwyddiad hwn yn cynnig cyfle i archwilio teyrnas ryfeddol madarch mewn lle sy’n gyforiog o wahanol fathau.

Dan arweiniad Tammy a Fran o dîm Ymddiriedolaeth Natur Maldwyn, cewch ddysgu ar y daith gerdded dywysedig hon beth sy’n dwyn ffrwyth ar y ffyrdd teg yr hydref hwn.

Yn arbennig, byddwn yn cadw golwg am gapiau cwyr prin a mathau lliwgar eraill o ffyngau glaswelltir, yn ogystal â dysgu beth y mae eu presenoldeb yn ei ddweud wrthym.

Rhaid trefnu lle ymlaen llaw. Cewch ragor o fanylion ar ôl trefnu lle. Croesewir plant, ond rhaid iddynt fod yng nghwmni oedolyn cyfrifol.