Storm petrel ©Chris Gomersall/2020VISION
Storm petrel ©Tom Hibbert
Pedryn drycin
Enw gwyddonol: Hydrobates pelagicus
Efallai mai’r pedryn drycin yw aderyn môr lleiaf Prydain, ond mae ei ffordd o fyw drawiadol yn gwneud iawn am ei faint yn sicr! Mae’n treulio’r rhan fwyaf o’i amser ar y môr, gan ddychwelyd i’r tir i gael cywion yn unig. Mae ganddo gân ryfedd iawn, fel canu grwndi bron – fel cath!
Species information
Category
Ystadegau
Hyd: 16 cmLled yr adenydd: 38 cm
Pwysau: 27 g
Oes ar gyfartaledd: 11 mlynedd
Statws cadwraethol
Wedi’i gategoreiddio yn y DU fel Oren o dan Bryder am Adar Cadwraeth 4: y Rhestr Goch ar gyfer Adar (2015).
Pryd i'w gweld
Ebrill i HydrefYnghylch
Mae’r adar hyn sy’n hoff o’r môr yn treulio’r rhan fwyaf o’u hamser allan ar y môr, gan ddychwelyd i gael cywion pedryn drycin yn unig. Gan eu bod mor fach, mae siawns dda iddynt gael eu bwyta ar y tir – felly maent yn dewis eu nythod yn ofalus, gan fyw ar ynysoedd bychain yn aml, lle nad oes mamaliaid fel llygod mawr a bach, a nythu mewn tyllau yn y ddaear neu dyllau creigiog. Gellir eu clywed yn canu eu cân ryfedd iawn fel grwndi cath yn ystod y nos, gydag ambell wich a rhochiad hefyd! Mae gan yr adar rhyfeddol yma bŵer arbennig: synnwyr arogl eithriadol dda sy’n eu helpu i ddod o hyd i fwyd o bell wrth hedfan allan uwch ben y môr. Wrth lwc, mae pedrynnod drycin yn enwog am eu harogl pleserus, sy’n golygu eu bod yn ffefryn ymhlith gwylwyr adar a gwyddonwyr!Sut i'w hadnabod
Aderyn môr bychan ac eiddil, yn fawr ddim mwy na gwennol y bondo, ac mae ei blu yn eithaf tebyg i wennol y bondo hefyd. Mae ganddo adenydd, corff a phen brownddu, gyda thamaid gwyn llydan ar ei ben ôl a chynffon fer, dywyll, blaen sgwâr. Mae band gwyn nodedig o dan bob adain, sy’n helpu i wahanu’r rhywogaeth hon oddi wrth bedrynnod drycin eraill tebyg.O’u gweld yn fanwl, mae gan y pig bychan ‘diwb’ nodedig ar y top, sy’n dangos ei fod yn aelod o’r grŵp o adar môr sy’n cael eu hadnabod fel tiwbdrwynau, sy’n cynnwys albatrosiaid, adar drycin eraill ac aderyn drycin y graig.
Dosbarthiad
Mae pedrynnod drycin yn nythu ar ynysoedd creigiog o amgylch arfordiroedd gorllewinol y DU ac Ynysoedd y Gogledd, gyda’r rhan fwyaf i’w canfod yn yr Alban, Cymru a Gogledd Iwerddon. Pan nad ydynt yn eu poblogaethau magu, y lle gorau i chwilio amdanynt yw oddi ar bentiroedd amlwg yn yr hydref, pan mae gwynt cryf yn chwythu’r adar yn nes at y tir.Roeddech chi yn gwybod?
Fel rheol mae pedrynnod drycin yn bwydo drwy ddewis pysgod bach, cramenogion a phlancton oddi ar wyneb y môr. Mae’n edrych fel pe baent yn rhedeg ar draws y dŵr, gyda’u hadenydd wedi’u dal i fyny mewn siâp V wrth i’w traed gweog bitran ar yr arwyneb. Mae’r enw gwyddonol, Hydrobates pelagicus, yn deillio o Roeg Hynafol ac yn cyfieithu’n fras fel ‘camu ar ddŵr ar y môr agored’.Sut y gall bobl helpu
Storm petrels depend on healthy seas, so it is essential for their survival that we look after our oceans. The Wildlife Trusts are working towards a vision for Living Seas, where wildlife thrives alongside the sustainable use of our seas' resources.Show your love for the sea by supporting your local Wildlife Trust, reducing your plastic use and adding your voice to our campaign for Living Seas.