Ymddiriedolaethau Natur Cymru: Ein gofynion ar gyfer Etholiadau’r Senedd

Ein gofynion ni

Mae etholiadau nesaf y Senedd yn foment hollbwysig i natur yng Nghymru. Rhaid i'r tymor nesaf (2026-30) gyflawni ymrwymiad Cymru i amddiffyn a rheoli 30% o dir, dŵr croyw a môr yn effeithiol erbyn 2030.

Mae natur yng Nghymru yn dirywio, gydag 1 o bob 5 rhywogaeth yn diflannu - a heb weithredu ar raddfa fawr ac ar gyflymder, bydd y golled hon yn parhau, gan beryglu ein cymunedau, ein hiechyd a'n dyfodol. Ond gyda'r arweinyddiaeth gywir, gall hyn fod yn drobwynt ar gyfer adferiad natur.

Rydym yn galw ar ymgeiswyr i roi natur wrth wraidd gwneud penderfyniadau ac ymrwymo i weithredu dros bobl, natur a'r hinsawdd.

Ein blaenoriaethau ar gyfer ymgeiswyr

Pan gaiff ymgeiswyr eu hethol i'r Senedd, mae camau allweddol y gallant eu cymryd i yrru adferiad natur ledled Cymru. Darllenwch fwy isod.

A Welsh landscape comprising a green field in the foreground, dotted with yellow flowers. There is a tree on the right and to the left of that an area of scrub and bracken. In the distance is a hill covered in bracken, scrub and trees.

BLAENORIAETH UN

Creu lle

Gwarchod a rheoli 30% o dir, dŵr croyw a môr yn effeithiol er budd natur erbyn 2030 drwy ddarparu rhwydwaith o ardaloedd gwarchodedig i sicrhau manteision i bobl a natur.

BLAENORIAETH DAU

Galluogi ffermwyr

Cyflawni Cynllun Ffermio Cynaliadwy sy’n gweithio i bobl, natur a’r hinsawdd drwy ddarparu cyllideb ddigonol ac amlflwyddyn fel bod modd cefnogi pob ffermwr i drawsnewid i arferion adfywiol.

BLAENORIAETH TRI

Cryfhau cynllunio

Mabwysiadu dull strategol, gofodol o gynllunio seilwaith ar dir ac ar y môr sy’n stopio datblygu mewn safleoedd dynodedig ac ar gynefinoedd nad oes modd eu hadnewyddu ac yn blaenoriaethu atebion sy’n seiliedig ar natur.

BLAENORIAETH PEDWAR

Cynyddu buddsoddiad

Cynyddu buddsoddiad ac adnoddau drwy ddatgloi cyllid cyhoeddus a phreifat hirdymor ar gyfer adferiad byd natur ar dir ac yn y môr a sicrhau bod pob portffolio gan Lywodraeth Cymru yn cynnwys buddsoddiad pwrpasol mewn atebion sy’n seiliedig ar natur.

A view over a river, with bushes and trees visible on the far side

BLAENORIAETH PUMP

Atal llygredd

Cyflawni dull cydlynol, traws-sector o leihau llygredd niweidiol drwy leihau defnydd o blaladdwyr domestig ac amaethyddol ddwy ran o dair o leiaf erbyn 2030 a chryfhau monitro, gorfodi a chosbau am dorri rheolau gan gwmnïau.

Wild Skills Wild Spaces hand around tree

BLAENORIAETH CHWECH

Bresgripsiynau gwyrdd

Cydnabod a buddsoddi mewn byd natur fel sylfaen iechyd y cyhoedd drwy greu ‘Gwasanaeth Iechyd Naturiol’ Cymru a chyllido mentrau iechyd cymunedol sy’n cefnogi presgripsiynau gwyrdd a chymdeithasol.

Dysgu mwy am Etholiad y Senedd

Paratowch ar gyfer Etholiad y Senedd, a chwifiwch y faner dros natur ym mis Mai.

Darllenwch Faniffesto Ymddiriedolaethau Natur Cymru: Mae Natur yn Hanfodol

Darllenwch yr ymrwymiadau yr hoffem eu gweld gan ymgeiswyr Etholiad y Senedd ym mis Mai.

Manifesto of Welsh Wildlife Trusts: Nature Matters (735.67 KB)

Lawrlwythwch ac argraffwch ein posteri "Mae Natur yn Hanfodol"

Chwifiwch y faner dros natur drwy arddangos ein posteri yn eich cymuned leol. Boed hynny'n ofod cymunedol, eich siop leol neu hyd yn oed ffenestr eich ystafell fyw!